台慶劇《璀璨》夠狗血。信報。徐詠璇

《璀璨之城》當然是狗血劇，且看第三星期是否仍勁道十足。三分鐘紅果爽劇？無得揮！

影帝姜大衛絕對有HBO神劇Succession中Logan Roy影子，強人，家族掌舵。《璀璨》祭出韓非「以術制人者，其術不可使人知」，姜大衛聰明絕頂，橫蠻霸道，總認為兩個兒子沒資格「繼承」他，天天出題目令兩兄弟鬥個你死我活，更樂此不疲地時刻在加設陷阱。「唔係我坐，唔通你哋坐啊？呢個位，只有我最有資格坐！」

張智霖從前拍完劇後拍電影，曾被導演當面批評：「你啲反應可唔可以唔好咁TVB？」Chilam說至今仍然在消化這句說話。果然高招！其實所有搞過戲的都知道，你不能只對演員說好和不好，要確切解釋你要的是什麼？激啲淡啲？躁狂啲哲學啲？什麼叫TVB？上周碰巧看了極受爭議的一場陳瀅情慾戲，沒全裸，但張智霖演來夠冷、狠、賤。

上周結尾，張智霖狠心推父親姜大衛落樓梯……毒舌狂言竟似近日蔡天鳳碎屍案新聞，「佢一家人食我嘅！」「老狐狸好狡猾，如果唔係我個女幫佢畀醫藥費，佢死X咗啦！」同樣是金錢糾紛與情感背叛。

韓劇是狗血劇天花板。無非家族情仇，人性善惡。成功關鍵：靚景——澳門有十月初五街舊茶餐廳，更有仿歐洲大理石神像，正合豪奢真情假面。靚衫——這點未足，至少高海寧髮型夠型特別。靚人——粒粒巨星出場便是戲，再有好對白，「變臉」不盡！

兩父子在公園見面，解決一百億問題。姜大衛連環狂飆︰「無我，你連做廢柴二世祖都無機會！」「我都唔知你阿媽點解會生出你咁嘅廢柴。」「你有份幫我搬錢，但你哋唔知道螞蟻搬屋可以搬到幾多？一定唔係你諗得咁少，儍仔。你要我死，我實搵你墊屍底！」拍拍Chilam面頰：「你今生可以做我個仔已經好幸福，廢柴！」

張智霖全程默不作聲，至臨界點怎能不爆炸？

2026年10月26日

信報。琉璃火。徐詠璇