Phantom of the Negative。徐詠璇。信報

「唔好放棄你哋嘅夢呀……繼續瞓！繼續瞓呀！」（用力地嚴肅地，幾乎帶淚地）

三個穿着和服的潦倒街漢，苦着臉蹲在街角：「喂，趁後生，捱多啲苦囉，咁你大個咗嘅時候，係咪可以再捱多啲苦呀？」「努力係唔一定會成功──但係唔努力呢，係一定會舒服㗎！」

舞台劇《消極之鬼》（The Phantom of the Negative），以多個獨立故事組成。Revue、skit，在藝術中心壽臣劇院（一個十分適合的場地，因為這兒也有些罨耷）圓滿演出了二十一場。（你只可以等下次看重演了，哈哈！）

三位劇場怪人「誓以只此一家嘅幽默搞笑」──也沒有誇大。楊偉倫（阿卵）特意醜也特意和觀眾一起偷笑，邱頌偉（阿雞）高大靈活也笨拙，白只負責冷面笑匠。三個losers合起來就是成功的笑彈。

當全世界日日叫我們不要放棄一定要追夢，要學奧運選手勇往直前忍受苦楚……連我今天都忍不住問，真的永不放棄？幾時執着？幾時放下？

我最喜歡第一場，三個儍兵在戰場踩着地雷（且不劇透）……對白快速節奏令你忍俊不禁，加上那些新科技「神奇戰車」，估你唔到，所以超好笑又refreshing。第二喜歡：食餐飯掃個QR code，煩到嘔，消極係常態……

第三喜歡：他們在觀眾爆笑個多小時之後，也加入人生反思，不過就算臨尾打band都繼續做losers──白只彈結他繼續沒表情，阿雞歌喉麻麻繼續興奮地唱，咦，阿卵的打鼓竟然有節有拍喎！

第四喜歡：「消極銀絲米粉」──廣告插入！但超力銀絲的確是久違了的香港品牌，親切也搞笑，不討厭。

2024年8月20日