炮台山謝君豪。徐詠璇，信報

「我叫乜名？」「雄仔！」「我好唔好？」「好！」「大家讚多啲我，錄緊音俾老闆聽㗎，再講過，雄仔好唔好？」一臉熱情，非常暖男，紅T恤寫着「優品薈」的他非常落力要送走贈品，我路過也禁不住駐足，欣賞他棟篤笑般的自創爆笑對白與明快節奏。要拍下，他笑着一手撥開叫我專心，「我怕醜！」與師奶互動，很有粉絲feel！我也不介意加入，應該支持一下喊破嗓子的他吧，「拿了的就不要再來！誰是第一次？快快伸手出來！」我跟着大家伸手。「贈品袋裏面有卡片，十二月哪一天來公司參觀？」「一號！」「後面嗰個無心嘅，走咗仲好，俾少一個，橫豎唔夠分！」不過，重複了廿多分鐘還未派贈品，我也有些不耐煩，但氣氛愈炒愈高漲。

「雄仔開始派禮品啦，大家有誠意嘅攞銀包出嚟！」忽然所有師奶受催眠般都把銀包揚出。「有一千蚊嘅攞出嚟睇下！」忽然就有許多五百蚊、一百蚊紙。阿哥飛快全搶在手中，「一千蚊一個煲！」他飛快將銀紙塞進褲袋，將一個煲混亂中塞給師奶。一位阿嬸大叫「我不要煲，我要番一千蚊！你咁即係搶！」雄仔頓時變臉，粗口大罵（也懶理嘴邊仍有咪在擴音）「XXX報警呀，X你XX，係你俾錢我XX！」也擲物也踢凳，一副要打人模樣，師奶們嚇得雞飛狗走。途人只能望着，鄰店店員都低下頭扮沒看見，附近沒有警察。

只後悔我不夠記者觸覺，沒有眼明手快即時拍下，也慚愧不夠大膽報去《東張西望》怕麻煩……

People are not what they seem.有說其中最先掏出五百蚊紙的師奶應該是做媒。炮台山小店，也見演技爐火純青。

2023年10月16日