我哋呢班年輕人，徐詠璇，信報

「伯母，定係叫Auntie，抑或劉太呢？」二十來歲小伙子問。我說，叫英文名啦。但我從來知道，名字太長，不好叫。「我喜歡叫中文名。」他說。「好，叫徐詠璇，或詠璇啦。」我心知不妙。「太長了，叫璇璇好嗎？」他爽快。氣結，但他有他的原則哦。大家又不是開戰，真的，由稱謂開始，是親疏有別。外國幾十年前便流行，兒女直呼父母名字，叫John、Mary，而不是老竇阿媽。香港則不慣。哎呀，在雨傘運動那邊歷史性官員與學生對話（期間十分和平，過後才翻枱），官員也是直呼同學的英文名，Alex、Yonne、Lester。同學有禮但着意距離地回稱「林司長」……今日世代，慣用激烈字眼，有時會氣壞人。壞品味當然不好，太激太破壞只會壞事，但只宜循循善誘不能高壓制止。大人大量不計較，希望春風化雨。大學是自由的地方，容許爭論、容許反對、容許不服氣。一次，與幾位年輕朋友討論時事，我有點火氣：「你哋啲年輕人，硬係……」他也有點火：「最不喜歡你們大人，口口聲聲『你哋啲年輕人』……」「唔係點講呀！唔通話『我哋啲年輕人』呀？我都想呀，你受唔受我玩吖？」我衝口而出，好像贏了。忽然收到一個大學生短訊：「我今天起將少用WhatsApp，甚至關閉面書，以後請用電郵或telegram，我刻下正在冥想，希望日後令我更易集中創造自己的旅程。」年輕真好，想做就做，無牽掛無懸念。衝就衝，收就收。2016年1月26日