2016棄選的政治倫理。徐詠璇，信報

政治是成王敗寇，但投降有底線，豈可棄保（潛逃）？先來算賬——「進有時退有時，希望能成全大家（躹躬）」民協何啟明。「假若如果我繼續拉票而影響泛民拿第三席的話……犧牲都係值得！（躹躬）」公民黨陳琬琛，聽說還花了幾百萬元積蓄參選。但為什麼不見悲壯偉大？星期五晚驚聞四位（或五位、最後證實六位）棄選，只感到氣憤。星期五中午，我仍花了兩個鐘在港大社科學生搞的論壇上聽各候選人互相質問——可恨建制派包括王維基也選擇不出席。當我過後仍在咀嚼分析，跟司馬文也聊了幾句時，幾個鐘後司馬文與徐子見都宣布棄選。司馬文電郵選民，連「棄」字也不提，只叫大家Vote Smart，他保證以後還存在。我嘥時間精神了解佢哋，係咪好蠢？棄選的，當然都不是民調高的。但參選前大眾已高叫會「攬炒」你又仍然去馬。戰至最後一刻，忽然捨身取義。是爭取曝光至最後一刻？是自以為是、自高身價至最後一刻咋啩？還是有更強大勢力在「操盤」？難怪年輕人大罵：「咁顧全大局呀，Day 1就唔好入閘啦，自己有幾多斤両一早知啦，你覺得自己理念唔同，點都要插支旗選嘅，咁好好醜醜都選埋佢，反正我會尊重，起碼貫徹始終。一係就一早喺電視論壇好似周永勤咁公開劈炮。而家會唔會喺票站擺易拉架寫明『我棄選，千祈唔好投』？「明明見到自己民調長期低迷，又怕樣衰，又怕俾人怪你泛民主派罪人，所以先退選話睇大局，偽善到呢……自行創造道德高地，再搶佔！」難怪打不死的年輕輩都瞧不起大人。大人倫理也碎片化！2016年9月5日圖片： 立場新聞