昔日潮語:騰雞花。徐詠璇,信報

53379701_2264890620455077_2470565188382752768_o (圖片來源:香港大學)

春花滿眼,人人奔走相告,在非常細小親密的港大校園,杜鵑花,紅的白的,份外開心。

港大的騰雞花故事,又特別動人。72年畢業的馮紹波,經濟日報主席,十三年前就曾捐了一億元成立「杜鵑 (1972) 基金」,幫助將來的師弟師妹發展。最近,理學院慶祝成立80周年,今日的同學居然就把騰雞花當作「昔日潮語」,還造了一套潮語卡送給歷屆校友。你看他們的心思 —

騰雞花:春天校園杜鵑花處處,意味考試季節將臨,學生亦因此緊張(騰雞)起來 (例句:你睇!騰雞花已經將校園染成一片粉紅,考試好快又到喇!)

Dem Cheers:流行於宿舍或學會的專屬口號和跳唱動作,用以加強團結精神 (今日開心公園搞Dem Cheers大會,唔怪得個地下震成咁!)

摺lib:長時間留守圖書館溫習 (我今晚再唔摺Lib嘅話實肥呢科喇。)

撻皮:馬虎了事,態度敷衍 (大家咁撻皮,邊有機會贏呀?)

搏盡:全力以卦,爭取成功機會 (老友今鋪真係要俾心機搏盡呀,咁先算得上無悔啊!)

勁過:學生於考試前夕磨拳擦掌,期望成績可以「勁過」( GPA達3或以上)。傳統習俗包括寫「勁過」揮春,吃「勁果」及「勁過飯」,以祈求好成績。(快啲去飯堂攞個「勁果」,取個意頭,包你考試順順利利。)

潛:即如潛水般不見蹤影,形容一個人非常離群 (唔駛預佢啦,佢好潛架。)

出Pool:是指開始拍拖 (多啲出去識朋友,俾自己一個機會出Pool啦!)

大仙:取自於Senior,指舍堂內高年資的學生,地位超然,於宿友間具影響力 (我問過幾位大仙喇,佢哋都話贊成喎。)

<今日稿費捐贈理學院同學>

2019年3月20日

Share on FacebookTweet about this on TwitterShare on Google+Share on LinkedInEmail this to someone