你要人還是要機械人?徐詠璇,信報

20180911_meitu_1

電子化還是人性化好呢?

朋友在澳洲入住酒店,訂房手續似乎出了點誤會,但接待員以同一句話回答十二次,總之拒絕解決。朋友啼笑皆非,以為這是一個「人扮的機械人」。

另一位朋友立即貢獻另一個故事:香港赤鱲角機場有國泰貴賓室,朋友因為航班誤點一小時,有一點點時間,反正未公布哪一個閘口,於是去貴賓室走走。

看着指示牌標明「貴賓室」,便跟着指示,往左走。誰知空姐看看登機證,冷冷的:「這裏只招待頭等,商務你要去另外一邊落樓梯。」朋友回到剛才起點,咦,明明是指着「貴賓室」嘛,也沒有標明只准頭等,於是拐回來,只以為好心告訴空姐告示牌有問題。她木然重複:「呢度淨係招待頭等,其他要喺第二度。」「咁點解個招牌……」「我哋淨係招待頭等……」

朋友氣了!「我只是想提個意見,你咪當我賊咁!」

「先生你小心講嘢,我冇話過你係賊。」居然對唔住都冇句,表情十分不屑。朋友更加火上加油。

「大佬呀,假假哋我都係商務客人!專登行返嚟,係想提你話畀你老細聽啫!咁你話聲好冇呀!」空姐大抵心情十分不好,索性擰轉面,不理睬!旁邊的空姐立即走過來,說已寫下意見,會向上司反映。

「我唔係上嚟鬧你呀,我係想話畀你聽,你哋咁樣做,會誤導人家㗎嘛!」是否機械人還會少點情緒,可靠一點?是training不夠?是這位小姐失戀,大家應該對她容讓?

旁邊的一位空姐就十分識做:「先生,你班機閘口剛宣布是六十二號,比較遠,你不如現在就過去吧?我們會報告上司的。噢,那邊也有貴賓室喔!」

2018年9月11日

Share on FacebookTweet about this on TwitterShare on Google+Share on LinkedInEmail this to someone