笑不出?靠星爺。徐詠璇,信報

最正經的教授朋友,也開始覺得要去法庭排排隊,看看星爺風采!

不是嗎?參加立法會選舉而成名的「娥姐」問星爺:「你認唔認得我呀?不過二十幾年前喇,嗰時我又未選立法會,我嚟緊又選,應該贏到㗎喇,應該今次會贏。」星爺諗咗一陣,答:「化咗灰都認得你啦!」(食神對白)嘩,講立法會都可以笑得出,你說是否很難得?

周星馳厲害!紅了幾個十年,洗腦了十數代人,由星仔變星爺。電視仍在瘋狂播他的電影,《賭聖》、《逃學威龍》、《西遊記》、《大內密探零零發》、《食神》、《喜劇之王》、《少林足球》、《功夫》……數戲名已叫你發笑。

他開創「無厘頭」潮流,證明喜劇所向披靡,突如其來的錯愕,令人措手不及的節奏,打破日常,成為驚喜經典,電影中每一句,九十後可以隨時念給你聽,隨時續句!

大家餓了許久──至少一年半,大家笑不出,只有天天煩惱尖銳矛盾,不敢笑,也找不到笑位。政治漫畫不再好笑,也不再有意思。

又有千禧後影迷Bosco西裝骨骨一早到庭,問攞簽名,多口一句:「我好鍾意睇你啲戲㗎!最愛《長江7號》。」星爺戲裏戲外最出名整蠱人,立即回問:「《長江7號》第一句對白係乜?」Bosco當然啞咗,星爺立即笑話「咁攞返個簽名嚟!」嘩,敏捷風騷!

我怎會介意他與前女友怎麼對簿公堂?這些只是他們私人轇轕,但星爺為大家免費演出,有內地女影迷出現,星爺問她:「乜而家唔係封緊關嘅咩?」

單看文字報道已活現星爺精靈俏皮!久旱逢甘露!大家渴了這麼久,港式開懷!

2020年11月30日

Share on FacebookTweet about this on TwitterShare on Google+Share on LinkedInEmail this to someone
Read More